BAGUIO CITY- Naisangpeten itay agsapa iti Baguio City ti bangkay ni Major Gary Masedman a pimmusay iti pammaltog sadiay Pili, Camarines Sur idi Sabado, Hunyo 18.
Ni Major Masedman ket agserserbi kas Finance Executive Officer ti Philippine Army 5th Finance Service Field Office iti 9th Infantry Division (9ID).
Tubo daytoy ti Mt. Province ken residente ti San Vicente, Baguio City.
Maipalagip a pimmusay ni Major Masedman kalpasan a pinaltogan ni Capt. Martin Anosa Jr., ti agserserbi kas administration officer ti Philippine Army 5th Finance Service Field Office iti 9th Infantry Division (9ID),
Maibasar iti imbestigasyon, naadaan iti argumento ni Captain Anosa (suspek) ken ti nobyana iti uneg ti headquarters.
Nagturong ti nobya ti suspek iti opisina ni Major Masedman tapno agkiddaw ti tulong.
Nupay kasta, sinurot ti suspek ti nobyana ken ditoy a pinaltoganna ti biktima.
Pinaltogan metlaeng ni Captain Anosa ni Sgt. Manuel Colico Jr.,
Colico a mangtulong koma kenni Major Masedman.
Naiturong dagiti dua nga biktima iti ospital ngem naideklara a dead on arrival ni Major Masedman bayat a natalged met ita ti kasasaad ni Sgt. Colico.
Sigun pay iti report, naglibas ni Captain Anosa kalpasan ti insidente ngem nasarakan ti bangkay daytoy iti headquarters-na a maatap a nagsuicide.
Impetteng met ni Philippine Army Spokesperson Colonel Xerses Trinidad a nainget a konkondenaren ti militar ti kriminal nga aramid dagiti personnel ti Philippine Army.
Makium-uman ita ti Philippine Army iti PNP para iti kanayonan nga imbestigasyon.
