𝐊𝐚𝐥𝐢𝐧𝐠𝐚, 𝐚𝐠𝐬𝐞𝐫𝐛𝐢 𝐤𝐚𝐬 𝐡𝐨𝐬𝐭 𝐭𝐢 𝐋𝐨𝐧𝐠 𝐆𝐨𝐰𝐧 𝐂𝐨𝐦𝐩𝐞𝐭𝐢𝐭𝐢𝐨𝐧 𝐭𝐢 𝐌𝐢𝐬𝐬 𝐄𝐚𝐫𝐭𝐡 𝟐𝟎𝟐𝟐

Agserbi ti Kalinga kas host ti Long Gown Competition ti Miss Earth 2022 inton Nobyembre 18.

Babaen daytoy iti katulagan a pinirmaan da Kalinga Governor James Edduba ken ti Representative manipud Carousel Productions, Inc idi kalman.

Mamati ti gobernador a makatulong ti panaghost-da iti panakaital-o ti turismo ti probinsiyada.

Dumanon iti dua pulo agingga dua pulo ket lima ti manamnama a delegante ti miss Earth nga agturong sadiay Kalinga para iti nasao a kompetisyon.

Manamnama a maiparang iti kompetisyon dagiti nababaknang a kultura, tradisyon ken maital-o dagiti tourist destinations ken weaving industry ti Kalinga.