BAGUIO CITY- Mabigbigbig ita ti naidumduma a wagas a panangikampanya ti Sadanga Municipal Police Station iti nagduduma a programa dagitoy saan laeng a para kadagiti i-Montaรฑosa nu di ket iti entero a pagilian.
Sigun kenni PLT. Bonifacio Fanged, OIC ti Sadanga MPS, mangipabpablaakda iti social media kadagiti nabagas a daniw a pinutar mismo dagitoy.
Kinuna a saan laeng a makaparay-aw ken makaay-ayo ti mensahe dagiti daniw gaputa makaipaay metlaeng daytoy ti adal, inspirasion ken ballaag kadagiti agbasbasa.
Impettengna a pinadasdan a nangiwaras ti reading materials itay kallabes ngem naobserbaran a maiwarwara laeng dagitoy.
Gapu iti daytoy, impaganetget ni Fanged a napapunotda ti baro nga istratehiya kas pampapigsa pay iti kampanya dagitoy nangruna ta kaadoan ita ket agar-aramaten ti social media.//Cara S
