𝗜𝘀𝗸𝗼𝗿 𝘁𝗶 𝗮𝘆-𝗮𝘆𝗮𝗺 𝗱𝗮𝗴𝗶𝘁𝗶 𝗻𝗮𝗴𝗱𝘂𝗱𝘂𝗺𝗮 𝗮 𝗯𝘂𝗻𝗻𝗴𝗼𝘆 𝗽𝗮𝗿𝗮 𝗶𝘁𝗶 𝗺𝗮𝗻𝗻𝗮𝗿𝗶𝗺𝗮𝗮𝗻 𝗮 𝗙𝗜𝗙𝗔 𝗪𝗼𝗿𝗹𝗱 𝗖𝘂𝗽, ‘𝙢𝙖𝙨 𝙙𝙞𝙠𝙞𝙩 ‘ 𝗻𝘂 𝗶𝗱𝗶𝗹𝗶𝗴 𝗶𝗱𝗶 𝗻𝗮𝗽𝗮𝗹𝗮𝗯𝗮𝘀 𝗮 𝘁𝗮𝘄𝗲𝗻; 𝗔𝗦𝗜𝗔𝗡 𝗰𝗼𝘂𝗻𝘁𝗿𝗶𝗲𝘀, 𝗮𝗴𝗱𝗼𝗺𝗱𝗼𝗺𝗶𝗻𝗮𝗿 𝗸𝗮𝗱𝗮𝗴𝗶𝘁𝗶 𝗯𝘂𝗸𝗼𝗱𝗱𝗮 𝗮 𝗹𝗮𝗯𝗮𝗻

Imbinglay ni Ariston Bocalan, maysa a coach iti football/futsal ti Philippine Football Federation, nga adadda a ‘mas exciting’ dagiti laban iti FIFA World Cup ita a tawen nangnangruna iti napalabas nga al-aldaw.

Naobserbaranna metlaeng nga adaddu itan dagiti nakipaset iti FIFA World Cup. Sigun kenni Bocalan, patienna kayat a palawaen ti FIFA ken itandudo ti isport a football kadagiti amin na pagilian.

Sigun kenni Coach Bocalan, nu idilig idi napalabas a tawtawen a makita ti adayu a nagdumaan ti iskor dagiti nagduduma a bunggoy, ‘dikit’ wenno saan unayen nga adayo dagiti iskor dagitoy ita a tawen.

Innayonna nga idi napalpalabas a FIFA, makita ti adayo a lamang kadagiti high level group nu idilig kadagiti kalabanda ngem ita a tawen, makita ti mayat nga ay-ayam gapu ta agkinkinnamakamen dagiti iskor dagiti laban ti nagduduma a pagilian.

Iti met bunggoy manipud kadagiti ASIAN countries, imbinglayna a sumaysayaat ti laban dagotpy ken agdomdominarda metten dagiti bunngoy ti ASIAN countries kadagiti bukodda a laban. //bombokaren.c.sapirao