Maisublin ti sigud a P13 a minimum fare iti traditional jeepney ken P15 met iti modern jeepney iti Benguet ken siudad ti Baguio, epektibo inton bigat, Hunyo 24, 2026.
Naikeddeng daytoy iti naangay a kosultasion dagiti operators, drivers ken Land Transportation Franchising and Regulatory Board (LTFRB) idi Martes, Hunio 23 iti siudad ti Baguio.
Kabayatanna, inyunay-unay ti LTFRB a saan nga inkapilitan ti pannakaipaay ti kanayunan a pasahe ken saan a rumbeng a piliten dagiti dispatcher wenno driver dagiti pasahero nga agbayad iti nangatngato a pasahe.
Mamulta ti siasino nga aglabsing iti nasao a pammilin.
Makidkiddaw iti publiko a dagus nga ipakaammo kadagiti maseknan nga otoridad wenno iti website ti LTFRB dagiti agsingsinger iti nalabes no iti naituding a pasahe.
Maipalagip a nagipektibo ti panagbaba ti presio dagiti produkto a petrolyo ita a Martes, Hunio 23, 2026.
Sigun iti Department of Energy (DOE), bimmaba ti Gasolina iti P3.90 agingga P5.90; Diesel a bimmaba iti P9.04 agingga P11.04 ken
Kerosina a bimmaba iti P9.82 agingga P11.82.
