Impakaammo ti Department of Transportation (DOTr) a nangilatang daytoy iti ₱2.5 billion para iti fuel subsidy program kadagiti driver nu agtululoy ti panagngato ti presyo dagiti produkto a petrolyo.
Sigun kenni Transporation Secretary Giovanni Lopez, nu dakdakkel ti magasgastos ken mabusbos a krudo a kas iti bus, dakdakkel met ti subsidy a maipaay.
Inlawlawag ni Lopez a mairuar ti nasao a pondo nu ngumato ti global oil prices ti lana iti saan a nababbaba ngem $80 tunggal barrel iti las-ud ti makabulan.
Innayonna nga urayenda pay ti formal trigger sakbayda nga ipatungpal ti fuel subsidy program.
Saklawen ti programa dagiti transport workers iti sidong ti Land Transportation Franchising and Regulatory Board (LTFRB) kas kadagiti traditional ken modern jeepney operators ken drivers; taxi drivers; delivery riders manipod kadagiti nagduduma a platforms; bus operators ken drivers; tricycle drivers manipod iti listaan dagiti maseknan a local government units; ken transport network vehicle service (TNVS). drivers.
