Pakabuklan a ₱20, 985, 520 ti balor dagiti nakumpiskar nga iligal a droga manipod kadagiti nagduduma nga operasyon nga impatungpal dagiti kameng iti pulisya sipud January 2026 agingga idi Valentine’s Day.
Buklen daytoy ti ₱485, 520.008 a balor iti maatap a methamphetamine (shabu) ken ₱20,500,000 a balor iti ti Fully Grown Marijuana Plants (FGMP) a nakumpsikar dagiti kameng iti Philippine Drug Enforcement Group – Special Operations Unit (PNP DEG- SOU-CAR).
Dagiti nakumpiskar a kontrabando ket manipod iti naipatungpal nga uppat a marijuana eradication operations partikular sadiay Barangay Bugnay ken Barangay Loccong, Tinglayan, Kalinga ken idiay Barangay Palina ken Barangay Poblacion, Kibungan, Benguet; ken iti tallo a buy-bust operation a naikasa partikular idiay Holyghost Extension, Baguio City, idiay Barangay Balili, La Trinidad, Benguet,ken idiay Barangay Appas Tabuk City, Kalinga.
Kadagiti buy-bust operations, innem (6) a drug personalities ti naarestar pakairamanan ti dua manipod Baguio City, tallo manipod Benguet, ken maysa a manipod idiay Tabuk City, Kalinga.
Balligi dagiti nasao nga operasyon babaen iti nagtititinnulong a pwersa dagiti kameng iti PNPDEG SOU 4A, PDEA CAR Baguio- Benguet Provinsial Office, 102nd Battalion 5TH Infantry Division, Philippine Army, PDEA CAR Kalinga Provincial Office, RMFB 1503RD, 111th SAC, 11th SAB PNP SAF, RPDEU CAR, CIT BAGUIO, RIU 14 CDEU, PDEU/PIU KALINGA, ken dagiti maseknan a municipal police stations ken units dagitoy.//Bombo Noveh Organo
