Dumanunen iti ₱689 million ti nadadael iti sektor ti agrikultura gapu iti epekto ti Habagat ken ti panagdalapus dagiti naglabas a bagyo.
Maibasar iti datos ti Department of Agriculture (DA), ₱451 million wenno 18,000 nga ektarya ti pagmulaan ti pagay ti nadadael.
Sigun kenni DA Assistant Secretary Arnel De Mesa, dumanon iti 15,500 nga ektarya ti pagmulaan ti pagay ti partially damaged ngem mabalin nga agrekober.
Nupay kasta, dumanon met iti 3,000 nga aktarya ti totally damaged.
Kaaduan a nadadaelan ti Pampanga a dumanon iti P131 million, sinaruno ti Nueva Ecija ken Pangasinan.
Kabayatanna, nadadael metlaeng ti agarup P2 million iti sektor ti livestock ken poultry product.
Dakkel ti pannakalugi iti sektor ti agrikultura bayat nga intultuloy a makapaspasar paylaeng iti layus dagiti dadduma a komunidad iti Luzon.