𝐂𝐫𝐢𝐭𝐢𝐜𝐚𝐥 𝐚𝐰𝐚𝐫𝐞𝐧𝐞𝐬𝐬 𝐩𝐚𝐫𝐚 𝐤𝐚𝐝𝐚𝐠𝐢𝐭𝐢 𝐤𝐨𝐧𝐬𝐮𝐦𝐞𝐫𝐬, 𝐫𝐮𝐦𝐛𝐞𝐧𝐠 𝐚 𝐦𝐚𝐢𝐩𝐚𝐭𝐮𝐧𝐠𝐩𝐚𝐥 𝐭𝐚𝐩𝐧𝐨 𝐦𝐚𝐥𝐢𝐤𝐥𝐢𝐤𝐚𝐧 𝐭𝐢 𝐩𝐚𝐧𝐚𝐤𝐚𝐬𝐜𝐚𝐦 𝐝𝐚𝐠𝐢𝐭𝐨𝐲

Maal-allukoy dagiti konsumer a saan dagitoy nga agduadua nga agreklamo no adda a napasaranda ti scam iti physical store man wenno online.

Iti panakiuman ti Bombo Radyo kenni Jeremias Agpes, Chief of the Consumer Protection Division,Department of Trade and Industry Cordillera, daytoy ket gapu ta adda ti Consumer Act of the Philippines a maysa a karbengan dagiti konsumer tapno maprotektaranda kadagiti depektibo a produkto wenno anyaman a pakaseknan.

Sigun kenni Agpes, kanayun a sisasagana ti Department of Trade and Industry a mangrisut kadagiti parikut a mapaspasaran dagiti konsumers nangruna iti panakascam dagitoy iti nagduduma a wagas.

Daytoy ket pakairamanan ti panakaawat dagiti konsumers iti depektibo a produkto wenno ti saan a panagmatch ti deskripsyon dagiti produkto iti deskripsyon a naipablaak iti social media no sadino sabali gayam ti size, kulayna wenno anyaman a features daytoy.

Iti panagraira ti scam nangruna ita a digital era, impeksa ni Agpes a kasapulan ti “critical awareness.”

Daytoy ket ti panangsukimat a kusto kadagiti produkto, ti panang-ammo iti impormasyon ti seller, ti lokasyon daytoy, ti reviews ti lakona ken daduma pay tapno adda a nalaka ti traceability daytoy.

Impaganetget pay Agpes a rumbeng a saan a dagus a mamatmati kadagiti sale promotions ken ti panagsurot iti slogan a “think before you click.”//Mira