Baguio City- Mamati ni World Boxing Association (WBA) Asia South bantamweight champion King Arthur Villanueva a dakkel ti namnama a maiyawed ni Donnie “Ahas”Nietes ti WBO superflyweight belt nga iggem ni Kazuto Ioka iti naituding a rematch dagitoy sadiay Tokyo, Japan inton rabii.
Iti interview ti Bombo Radyo iti pinoy champion, kinuna ni Villanueva a bentahe ni Nietes ti dakkel a boxing experience daytoy gapu iti 50 a pakabuklan a laban na manipud idi nagbalin a professional boxer daytoy nu idilig iti 30 total fights ti Japanese boxer.
Nupay mas ub-ubing ni Ioka iti edad na nga 33 anyos nu ikumpara iti edad ni Nietes nga uppat a pulo ket nalalaeng ti pinoy boxer iti counter punching ken head and body movements.
Sigun pay kenni Villanueva nga iti uneg iti sangapulo a tawen nga agkadwa dagitoy idiay Cebu idi imanmanehar ti ALA Boxing Promotions ti karerea da iti boxing ket kasapulan ni Nietes a papigsaen ti conditioning ken stamina na iti 12 rounds a laban.
Maipalagip nga inabak ni Nietes ni Ioka idi 2018 para iti WBO Super Flyweight title sadiay Cotai Arena, Macau, China baben iti split decision.
Iggem ti Filipino boxer a naawagan kas “Ahas” ti ring record 43 wins ken 1 loss bayat a ni Ioka ket 28-2 win loss record.
