𝐑𝐓-𝐏𝐂𝐑 𝐌𝐨𝐥𝐞𝐜𝐮𝐥𝐚𝐫 𝐋𝐚𝐛𝐨𝐫𝐚𝐭𝐨𝐫𝐲 𝐬𝐚𝐝𝐢𝐚𝐲 𝐓𝐚𝐛𝐮𝐤 𝐂𝐢𝐭𝐲, 𝐊𝐚𝐥𝐢𝐧𝐠𝐚, 𝐧𝐚𝐢𝐩𝐚𝐚𝐲𝐚𝐧𝐞𝐧 𝐭𝐢 𝐃𝐎𝐇-𝐚𝐜𝐜𝐫𝐞𝐝𝐢𝐭𝐚𝐭𝐢𝐨𝐧

BAGUIO CITY – Naawaten ti RT-PCR Molecular Laboratory ti lokal a gobyerno ti Tabuk City, Kalinga ti akreditasyon daytoy manipud iti Department of Health (DOH).

Inawat ti Tabuk City Health Office ti License to Operate ti nasao a laboratoryo a masarakan sadiay Barangay Agbannawag.

Gapu iti daytoy, manamnama a mapa-ababa ti panawen ti panag-uray kadagiti resulta ti COVID test dagiti umili sadiay.

Maangay inton sumaruno a lawas ti panakabendisyon ti RT-PCR Molecular Lab a sarunuen ti naan-anay a panagrugi ti operasyon daytoy.