𝐓𝐚𝐥𝐥𝐨 𝐧𝐠𝐚 𝐨𝐮𝐭-𝐨𝐟-𝐬𝐜𝐡𝐨𝐨𝐥 𝐲𝐨𝐮𝐭𝐡, 𝐧𝐚𝐭𝐢𝐥𝐢𝐰 𝐠𝐚𝐩𝐮 𝐢𝐭𝐢 𝐤𝐚𝐬𝐨 𝐝𝐚𝐠𝐢𝐭𝐨𝐲 𝐚 𝐩𝐚𝐧𝐚𝐠𝐫𝐚𝐦𝐞𝐬 𝐬𝐚𝐝𝐢𝐚𝐲 𝐌𝐭 𝐏𝐫𝐨𝐯𝐢𝐧𝐜𝐞

BAGUIO CITY- Nakemmeg ti tallo nga out-of-school-youth nga agtawen iti 18, 20 ken 21 sadiay Natonin, Mountain Province gapu iti kaso dagitoy a panagrames.

Natiliw dagitoy itay kanikadua babaen iti warrant of arrest nga impaulog ti korte sadiay Bontoc, Mt Province idi May 26.

Ti dua a suspek ket narekomendaran ti P200,000 a fixed bail bond bayat a ti maysa a suspek ket awan ti nairekomendar a piyansa.

Ti nasao a krimen ket napasamak idi 2018 ken idi 2019 nu sadino maatap a minolestiya dagiti suspek ti biktima a day-care iti daydi a panawen.

Adda ita iti kustodiya ti Mountain Province District Jail dagiti tallo a suspek.