BAGUIO CITY – Balligi a naipatungpal ti Unity Walk ken Peace Covenant Signing sadiay probinsya ti Kalinga.
Iti interview ti Bombo Radyo Baguio ken Dionica Mercado, Public Information Officer ti Kalinga LGU, indauluan ti Kalinga PPO ken COMELEC Kalinga ti nasao nga aktibidad para iti panagbalin a naannayas ken naulimek a 2022 Local ken National Elections.
Kinunana nga adda dagiti sumagmamano a kandidato a nakipaset iti daytoy.
Mainaig iti dayta, kinunana nga awan pay iti naobserbaranda a panaglabsing kadagiti kandidato sadiay seknan kadagiti pagalagadan iti pannakaipatungpal ti panagkampanya malaksid laeng iti reklamo dagiti umili seknan iti saan nga umno a pannakaimuntar ti posters ken tarpulins dagitoy.
Iti agdama, kinunana a naannayas ken awan ti parikot seknan iti linak ken kapya iti probinsya kagiddan iti manarimaan a kampanya ken iti umadani nga elesyon pakairamanan ti Holy Week ken Summer Vacation.
