Baguio City: Indominar dagiti bunggoy ti Camp John Hay ken Baguio Blue Bloods dagiti nakairaman dagitoy a division tapno maibulsa ti kampeonato iti panagtultuloy ti 72nd Fil-Am Invitational sadiay BCC ken CJH golf courses.
Naala ti CJH ti Seniors Fil A bayat a napangabakan met ti Blue Bloods ti Seniors Am A crown.
Indaolwan ni Ramon Luis Garcia ti CJH kalpasan ti 27 points daytoy para iti pakabuklan a puntos iti final round nga 85 points ken pakabulan a 367 points.
Nakaala ti CJH ii kanayun a 22 points ti kenni Shean Bedi bayat nga 18 points manipud kada Atty. Bong Mandapat ken Jaime Borromeo.
Adda iti maikadua a pwesto ti Hotel Bahia ken 3rd place met Robros- JV Golf Team 1.
Iti sabali a bangir, ginundawayn ti Blue Bloods ti familiarity ti golf course ti Cjh rason tapno lumamang iti 18 points iti Seniors Am A.
Pakabulan a 344 points ti naaramed ti nasao a bunggoy iti panangidaulo ni sigud a Baguio mayor ken congressman Mauricio Domogan.
Nagbalin a balanse ti kontribusyon ti Blue Bloods babaen kada Romeo Aquino, Rudy Lockey ken sigud a Mankayan mayor Materno Luspian.
Kabayatan na, nagkampeon met ti Maharlika Roast Beef ti Rugular Fil G division, 2nd place ti Ismael COA/ Amigos bayat a 3rd place ti NBI team.
Iti Am G division, nangabak ditoy ti Vancouver Horizon Golf Association.
