BAGUIO CITY – Inwaragawag ti Professional Regulation Commission itay nabiit a maika-innem ti Cordillera Career Development College wenno CCDC a nakaala ti nangato a passing rate a 90% manipud kadagiti top performing schools iti November 2022 Midwife Licensure Examination.
Iti opisial a resulta nga inruar ti komisyon, nakapasa amin dagiti kinse a first time exam takers manipud CCDC bayat a napaay a makapasa dagiti dua kadagiti lima a repeaters.
Manipud iti 3,472 a pakabuklan a bilang dagiti examinees iti pagilian, 1,768 ti nakapasa nu sadino karaman ditoy ti CCDC students a ni Iris Hope Basalong Alilao ken karaman pay daytoy iti Top 10.
Nagun-od ni Alilao ti rating nga 88.55%, maysa isuna nga scholar ti Department of Health (DOH) – Cordillera.
Dagiti dadduma pay a nakapasa manipud iti nasao a kolehiyo ket da Aglyn Aban, Jesiebelle Agongan, Jhyril Balong, Jeverlyn Bawas, Rocel Bolislis, Albert Buayen, Sefra Canuto, Berna Mae Casinto, Leahlyn Cornelio, Lheany Dongnga-as, Lorna Fuchigami, Myrna Gay-yaman, Emmy Lou Lee, Julie Locutan, Darel Padtoc, Jeniah Fe Segundo, ken Lyn Tiwatiw.
Kabayatanna, kinablaawan ti Commission on Higher Education (CHED) – Cordillera ti CCDC ken dagiti topnotcher alumnus
