𝗡𝗮𝘀𝘂𝗿𝗼𝗸 𝗣𝟮-𝗠 𝗮 𝗴𝗮𝘁𝗮𝗱 𝗱𝗮𝗴𝗶𝘁𝗶 𝗺𝗮𝗿𝗶𝗷𝘂𝗮𝗻𝗮 𝗽𝗹𝗮𝗻𝘁𝘀, 𝗱𝗶𝗻𝗮𝗱𝗮𝗲𝗹 𝗱𝗮𝗴𝗶𝘁𝗶 𝗼𝘁𝗼𝗿𝗶𝗱𝗮𝗱 𝗶𝘁𝗶 𝗯𝗼𝘂𝗻𝗱𝗮𝗿𝘆 𝘁𝗶 𝗠𝗼𝘂𝗻𝘁𝗮𝗶𝗻 𝗣𝗿𝗼𝘃𝗶𝗻𝗰𝗲 𝗸𝗲𝗻 𝗞𝗮𝗹𝗶𝗻𝗴𝗮

BAGUIO CITY – Dinadael ti nagtipon a pwersa ti PNP ken PDEA ti nasurok dua a milyon a pisos a gatad dagiti marijuana plants iti tallo a disso iti nagbeddengan ti Sadanga, Mountain Province ken Buscalan, Tinglayan, Kalinga idi kanikadua.

Maibasar iti report, dumanon iti 5,250 a puon ti fully-grown marijuana plants ti nadiskobre dagiti operatiba iti Site 1 ken Site 2 bayat a nadiskobre ti 8,500 grams dagiti bulong ken tulang ti marijuana plants a mapagpagango iti Site 3.

Nupay kasta, awan ti natiliw a marijuana cultivators kabayatan ti nasao nga operasyon.