𝗣𝟮𝟭.𝟵-𝗠 𝗮 𝗴𝗮𝘁𝗮𝗱 𝗱𝗮𝗴𝗶𝘁𝗶 𝗺𝗮𝗿𝗶𝗷𝘂𝗮𝗻𝗮 𝗽𝗹𝗮𝗻𝘁𝘀, 𝗽𝗶𝗻𝗮𝗿𝘂𝘁 𝗸𝗲𝗻 𝗶𝗻𝘂𝗿𝗮𝗺 𝗱𝗮𝗴𝗶𝘁𝗶 𝗼𝘁𝗼𝗿𝗶𝗱𝗮𝗱 𝗶𝘁𝗶 𝘀𝗲𝗿𝘆𝗲 𝘁𝗶 𝗲𝗿𝗮𝗱𝗶𝗰𝗮𝘁𝗶𝗼𝗻 𝗼𝗽𝗲𝗿𝗮𝘁𝗶𝗼𝗻𝘀 𝗶𝘁𝗶 𝘁𝗮𝗹𝗹𝗼 𝗮 𝗯𝗮𝗿𝗮𝗻𝗴𝗮𝘆 𝘀𝗮𝗱𝗶𝗮𝘆 𝗧𝗶𝗻𝗴𝗹𝗮𝘆𝗮𝗻, 𝗞𝗮𝗹𝗶𝗻𝗴𝗮

BAGUIO CITY – Pinarut ken inuram dagiti otoridad ti P21.9-M a gatad dagiti marijuana plants iti serye ti marijuana eradication operation nga insayangkatda iti tatlo a barangay sadiay Tinglayan, Kalinga.

Iti report ti PDEA-Kalinga, naisayangkat ti tallo nga aldaw nga operasyon idi Lunes agingga idi kalman, June 14-16, 2021 manipud iti innem a pagmulaan kadagiti barangay ti Buscalan, Loccong ken Butbut Proper sadiay Tinglayan.

Dumanon iti 96,500 a pidaso ti fully grown marijuana plants ken 65,000 a pidaso ti marijuana seedlings ti dinadael dagiti operatiba ti pulisya ken PDEA manipud iti 11,150 square meters a plantation sites.