ABRA – Simmukon kadagiti otoridad ti suspek a nangpaltog iti anakna idiay Lugit, Patucannay, Tayum, Abra itay nabiit.
Kinumpirmar daytoy ni PLTCOL. Daniel Pel-ey, Information Officer ti Abra Police Provincial Office iti interview ti Bombo Radyo Baguio kenkuana.
Immunan a nabigbig ti biktima a ni Mark Angelo Vibas, 23-anyos a residente ti Lugit, Patucannay, Tayum, Abra.
Maipalagip nga idi rabii ti Marso 31 ket nag-iinom ti biktima ken dagiti kakadwana iti maysa a birthday party agingga a napasamak ti insidente ti pammaltog.
Iti imbestigasyon, parikut iti pamilya ti rason iti panangpaltog ti suspek iti biktima.
Nagsagrap ni Vibas iti tama ti paltog iti ulona a rason iti ipupusayna.
Maisagsagana metten ti kaso a parricide kontra iti suspek.//Via Cara Sacyaten
