BAGUIO CITY- Napilaanen ti kaso a panaglabsing iti RA 7610 wenno Serious Illegal Detention ken panaglabsing iti RA10591 wenno Illegal Possession of Firearms and Ammunitions ti 40-anyos a lalaki a suspek iti maatap a hostage taking sadiay Sunflower Street, Quezon Hill Proper Baguio City idi Noyembre 26.
Sigun kenni PMaj. Dencio Dayao, dadaulo ti BCPO Station 1, adda ita ti suspek iti kustodiya dagitoy.
Natalged met ita ti kasasaad dagiti biktima nga agina kalpasan a naipasidongda iti medical evaluation.
Maipalagip nga idi Nobyembre 26 ket kidkiddawen ti suspek ti panagawid ti live-in partnerna iti pagtaenganda kalpasan a maatap a nakikadwa daytoy iti sabali a lalaki.
Gapu iti sakit ti nakem ket maatap nga isu ti rason ti suspek iti pananghostage-na iti kabsat ken kaanakan ti live-in partnerna ngem awan ti bayolente a napasamak.
Iti agdama ket saan pailaeng a nagpakita ti live-in partner ti suspek.