BAGUIO CITY – Manamnama ti 50% agingga 80% a ngumatoan ti sabong iti isasangbay ti Undas.
Iti interview ti Bombo Radyo, kinuna ni Antonio Leung, Presidente ti Baguio City Flower Association, nu ado ti gumatang ken bassit ti maapit a sabong partikular ti Arthurium a maapit tunggal sangapulo ket lima nga aldaw ket manamnama ti panagngato ti presyo.
Agay ayam ita ti presyo ti rosas iti P40 agingga P100, white anthurium iti P400, Chrysanthemum iti P120 depende iti klase ken kadakkel dagitoy.
Impetteng met ni Leung nga adda latta dagiti imported a sabong a nagtaud manipud China kas ti Orchids ken Carnation.
Impaganetnetna a nu awan ti sumangpet a bagyo ket manamnama nga ado ti maapit dagiti flower growers nu idilig idi napan a tawen.
