--Ads--
Pakabuklan a P1.2 million ti gatadna a marijuana plants ti pinarut ken inuram dagiti otoridad iti probinsiya ti Benguet idi Marso 10, 2024.
Maibasar iti report ti Police Regional Office Cordillera, immuna a nadiskobre ti 250 a pidaso ti fully grown marijuana plants nga aggatad ti P50,000 idiay Pedped, Pudong, Kapangan, Benguet.
Simmaruno ti 2,500 a pidaso ti fully grown marijuana plants nga aggatad ti P500,000 idiay Sitio Pedped, Pudong, Kapangan, Benguet.
Dumanon met iti 3,400 a pidaso ti fully grown marijuana plants nga aggatad ti P680,000 ti nadiskobre idiay Sitio Legab, Kayapa, Bakun, Benguet.
Nupay kasta, awan ti natiliw dagiti pulis a cultivator wenno akinmula kadagitoy.
