BAGUIO CITY – Nailista ti Team Lakay ti 1-4 kalpasan a maysa ti nagballigi manipud kadagiti lima a fighters daytoy a naipasungalngal iti ONE: Dawn of Heroes a naangay iti Mall of Asia Arena idi rabii.
Iti preliminary bouts, agpapada a naabak da Geje Eustaquio, Honorio Banario ken Edward Kelly.
Naabak ni Edward Kelly babaen iti technical decision iti labanda kenni Xie Bin.
Naabak ni Honorio Banario babaen iti unanimous decision iti labanda kenni Dae Sung Park.
Naabak ni Eustaquio babaen iti knockout iti umuna a rikos ti labanda kenni Yuya Wakamatsu para iti ONE Flyweight World Grand Prix Reserve.
Kabayatanna, iti met semifinal ti ONE Flyweight World Grand Prix, nangabak ni Danny Kingad babaen iti split decision iti labanda kenni Reece McLaren.
Iti semifinal ti ONE Lightweight World Grand Prix, naabak ni Eduard Folayang babaen iti submission, partikular ti rear-naked choke iti umuna a rikos ti labanda kenni Eddie Alvarez. (with Bombo Jordan Tablac)
