Inawat ti Department of Social Welfare and Development (DSWD) ti 1, 632 metric tons ti bagas a donasion manipud iti Gobierno ti South Korea idi August 06, 2025.
Naipaay daytoy babaen iti Korean Ambassador Lee Sang-hwa ken World Food Program.
Sigun kenni Social Welfare Secretary Rex Gatchalian, ma-repacked ti P32 Million a gatad ti bagas ken maiwaras kadagiti pamilia a naapektaran iti didigra.
Kabayatanna, impeksa ni Korean Ambassador Lee ti pannakikaykaysana kadagiti Pilipino a naapektaran kadagiti napalabas a bagyo ken southeast monsoon.
Ti Donasion ti South Korea ket paset ti 2,016 metric tons a bagas a mangsuporta iti panagregget ti Pilipinas iti disaster response, climate change adaptation ken peace-building.
Kabayatanna, agarup 384 a metric tons ti maipatulod iti Bangsamoro Autonomous Region iti Muslim Mindanao.
