1 nakemmeg, 1 maan-anop gapu iti panangapit ken panangilakoda kadagiti patatas a saanda a mula sadiay Buguias, Benguet

BAGUIO CITY – Nakemmeg ti maysa a laborer bayat a maan-anop ti kadwa daytoy a nang-apit kadagiti saanda a mula a patatas sadiay Loo, Buguias, Benguet idi kanikadua.

Nabigbig ti nakemmeg a ni Adonis Ecuan, 34, bayat a ti maan-anop ket ni Dumanas Gao-an, agpada dagitoy a residente ti Tadian, Mt. Province.

Naamoan a kinali dagitoy ti 12 plots a namulaan iti patatas a tagikua ti maysa a mannalon a residente iti nasao a lugar.

Naamoan pay nga inlako dagiti suspek ti kinalida a patatas sadiay Abatan, Buguias, Benguet.