BAGUIO CITY – Im-imbestigaran ita dagiti otoridad ti kaso ti pammapatay iti maysa a mannalon iti asideg ti La Trinidad Vegatables Trading Post idi parbangon.
Nabigbig ti pimmusay a ni Levy Quinili Tayab, agtawen iti 20, tubo ti Nueva Viscaya ken residente ti Central Bahong, La Trinidad, Benguet bayat nagsangrap iti dunor ti kadua daytoy a menor-de-edad nga agtawen iti 17, baru, mannalon, tubo ti Dumaguete City ken residente met laeng ti Central Bahong, La Trinidad, Benguet.
Maibasar iti report, naggapu dagiti biktima iti Kibungan Bar ken idi rimuar dagitoy ket sinurot dagiti suspek dagitoy ken ditoy a binagbagsol dagiti suspek dagiti biktima.
Naitaray a dagus iti ospital ti dua a biktima ngem naideklara a pimmusay ni Tayab bayat a ti menor-de-edad a kadua daytoy ket matamtaming pay laeng iti Benguet General Hospital.
Naituding a maipasidong iti otopsia ti bangkay ti biktima bayat a dukduktalen dagiti otoridad ti kinasiasino dagiti suspek.
