BAGUIO CITY- Pimmusay ti maysa a mannalon bayat a nadangran ti uppat a dadduma pay kalpasan a naaksidente ti nagluganan dagitoy a Tamaraw FX iti kalsada sadiay Abatan, Buguias, Benguet idi parbangon.
Nabigbig ti pimmusay a ni Larry Espada Lingbanan, 20-anyos, baro, residente ti Bot-oan, Catlubong, Buguias bayat a dagiti nadangran ket da Jimarson Tangec Biniahan, 22-anyos; Marcial Baliosan Buyagan, 21-anyos; Eliazar Espada Bibiahan, 25-anyos; ken ni Arial Locante Barcenal, 32-anyos ken dagitoy ket agpapada a residente metlaeng ti Bot-oan, Catlubong, Buguias.
Naduktalan iti imbestigasyon dagiti pulis a paturong sadiay Abatan ti lugan nga inmaneho ti biktima idi aksidente a rimampa ti nasao a lugan iti slope iti kalsada agingga a natumba daytoy.
Nangitunda ti insidente iti panakadangran dagiti lima a pasahero, pakairamanan ti driver a naideklara a dead on arrival iti pagagasan bayat nga addan iti natalged a kasasaad dagiti uppat a dadduma pay.
