Panggep ti Department of Science and Technology (DOST) a palawaen ti Philippine Science High School (PSHS) system tapno maakomodar ti kanayunan nga estudiante iti pagilian.
Sigun kenni DOST Secretary Renato Solidum Jr., panggepda nga agpatakder iti 10 a kanayunan a campus iti Luzon, Visayas ken Mindanao tapno masolusionan ti dumakdakkel a panagkasapulan.
Ipangpangrunada dagiti rehion nga addaan iti nangatu a bilang ti estudiante a nakapasa iti entrance exam ngem saanda a naakomodar.
Kabayatanna, kinuna ni Solidum Jr. nga agarup 5,000 nga estudiante a nakapasa iti Philippine Science High School entrance exam ti nakaala iti slots manipud iti 100,000 nga estudiante.
Iti agdama, agtultuloy ti operasion dagiti 16 a campuses ti Philippine Science High School (PSHS) system iti intero a pagilian.
