Nangdutok ti House prosecution panel iti sangapulo a pribado nga abogado manipod kadagiti nalatak a law firm tapno tumulong iti impeachment trial ni Vice President Sara Duterte nga awanan iti bayad.
Karaman kadagiti sangapulo nga abogado ket da Atty. James Alih, Atty. ken Certified Public Accountant Erwin Matib, Atty. Justine Lamarca, Atty. Lorna Kapunan, Atty. Sonya Benemerito-Castillo, Atty. Deanna Lorenzo-Singia, Atty. Lino Kapunan, Atty Bettina Zamora ken Atty. Amando Ligutan Saligal
Ni Atty. Marforth Fua ket sigud nga Assistant Presidential Legal Counsel iti administrasion ni President Ferdinand Marcos Jr.
Sigun kadagiti abogado, panggep a mangipila iti patas ken ebidensia a nakabasar iti kaso kas paset iti serbisio publiko.
Nakabasar ti Articles of Impeachment kadagiti alegasion iti saan a nasayaat a panagaramat iti confidential funds, saan a mailawlawag a kinabaknang, isyu iti SALN, mapapati a pangta kontra kenni President Marcos Jr. ken dadduma pay nga opisial.
Sakbay ti impeachment vote, sumagmamano a testimonia ken report manipod iti Commission on Audit, National Bureau of Investigation, Philippine Statistics Authority, ken Anti–Money Laundering Council ti naisango kadagiti panagdengngeg iti Kamara kas paset kadagiti ebidensia a sumuporta kadagiti pammabasol kontra iti Bise Presidente.
