BAGUIO CITY – Simmuko iti gobyerno ti sangapulo a kameng ti New People’s Army- Nona del Rosario Command nga agpo-operate sadiay Asipulo, Ifugao.
Dagiti nasao nga indibidwal ket nagturong iti kampo ti 54th Infantry Battalion sadiay Brgy Baguinge, Kiangan, Ifugao idi kalman.
Segun kenni Kapitan Grace Tayaban ti Brgy. Namal, Asipulo, inasitgan daytoy dagiti nasao nga indibdwal ken impeksada a sumuko dagitoy gaputa naduktalanen dagiti kameng ti militar ti kasiasinoda.
Immapela met ti commander ti 54th IB a ni Lt. Col. Nicolas Quemado Jr. kadagiti dadduma pay a kameng ti NPA sadiay Ifugao a sumukoda nangruna kadagiti grupo nga adda sadiay Brgy. Wangwang ken Gumhang iti munisipyo ti Tinoc, Ifugao.
Maipalagip nga immunan a nasarakan dagiti kameng ti militar ti kampo ti Nona del Rosario Command sadiay Brgy Namal, Asipulo, Ifugao idi Pebrero 12 ken narekober metlaeng ditoy dagiti nangangato a kalibre ti paltog, laptops, camera ken listaan dagiti naorganisa a local militia force
