BAGUIO CITY – Puntirya ti Philippine Red Cross – Benguet Chapter a makaala ti dara manipud iti 100 a blood donors iti uneg ti 10 a minutos.
Sigun kenni Oscar Paris, administrator ti Philippine Red Cross – Benguet Chapter, mangikabilda iti 100 a cot beds iti municipal gym ti La Trinidad inton July 31 para iti blood donation activity dagitoy.
Kinunana nga aggigiddan a maalaan iti dara dagiti 100 a tattao.
Innayonna a puntirya ti aktibidad a maipaka-awat kadagiti amin nga umili ti Benguet ti kinapateg ti bolontaryo a panangidonar ti dara tapnu makaispal iti biag.
Sigun pay kenkuana, puntiryada nga agarup maysa porsiento iti popolasyon ti tunggal munisipyo ti Benguet ti bolontaryo a mangidonar iti dara.
Mangnamnama daytoy a malaksid iti puntiryada a 100 blood donors ket adda latta dagiti dadduma a mangidonar iti dara.
