BAGUIO CITY – Nabaelan ti maysa a centenarian ditoy siudad ti Baguio a nalasatan ti napeggad a COVID-19.
Daytoy ket kalpasan a nakaruar iti Baguio General Hospital and Medical Center (BGHMC) ti 106-anyos a lolo a tubo ti Aguinaldo, Ifugao ken ita ket residente ti Barangay Irisan kalpasan ti 13 nga aldaw a panagtalinaedna iti nasao a pagagasan.
Napalubusan daytoy a nakaruar babaen iti clinical evaluation ken risk assessment nga inaramid dagiti doktor ti BGHMC ken iti panagnegatibo ti maikadua a swab result daytoy.
Maibasar iti rekord, naipasidong ti centenarian iti swab test kalpasan a nakapasar ti mild symptoms ti sakit ken nagpositibo ti resulta a nairuar idi October 9.
Na-admit daytoy iti BGHMC nga uray mild symptoms ti mapaspasaranna gapu iti edadna a maibilbilang iti vulnerable group.
Mangnamnama met ti anak ti centenarian nga agserbi nga inspirasyon ti amada kadagiti amin a COVID-19 patients.
Iti send-off ceremony, naisagutan ti centenarian iti mays a dance number.
Mapapati a ti nasao a lolo ti oldest COVID survivor iti entero a pagilian.
