Balligi ti panakarambak iti maika-sangapulo a Fruit Festival idiay Sablan,Benguet.
Nagduduma nga aktibidad iti naipatungpal a mangitantandudo iti assets iti nasao a muncipyo iti agrikultura, turismo, ken daduma pay nga industriya.
Malaksid iti fruit float parade, nailukat metlaeng dagiti inter-barangay agri-trade fair a nakaipakitaan dagiti nagduduma nga agricultural products dagiti walo(8) a babbarangay iti nasao a muncipyo.
Nagduduma met a prutas ti naipabuya wenno niyarkos kadagiti float kas iti marang, durian, lanzones, rambutan, mangosteen, saba, ken pinya.
Ti munsipyo iti Sablan iti maibilbilang a “Benguet’s Fruit Basket,” ken iti agdama ket panggep daytoy a pasayaaten ken palawaen ti panangilako daytoy kadagiti produkto nga agrikultura babaen iti sustainable integration iti agri-tourism ken eco-tourism,ken dagiti integrated industries.
Ti nasao a pasken ket pinasetan dagiti nagduduma nga opisyales iti rehion iti panangidaulo ni Sablan Mayor Alfredo B. Dacumos.
