Nakasaganan nga agturong idiay Taebaek City, South Korea intun June 10, 2025 dagiti sangapulo ket maysa a mannalon iti siudad ti Baguio.
Iti interview iti Bombo Radyo kenni Engr. Bonifacio Dela Piña, City Administrator, kinunana a nakasagana amin dagiti kasapulan a dokumento.
Sigun kenkuana, daytoy ti kaunaan a batch dagiti napili iti Seasonal Worker Program (SWP) ti South Korea ken Baguio City.
Impeksana nga awan ti ahensia a dimalanan dagitoy agsipudta diretso kadagiti employer manipud iti ahensia iti siudad.
Iti baet dayta, inyunay-unay ti nasao nga opisial nga awan ti placement fee dagitoy.
Agtrabaho dagiti nasao a mannalon sadiay South Korea iti las-ud iti siam a buan ken posible nga agsublida iti siudad intun Nobiembre.
Sigun kenni Dela Piña, agimula dagitoy iti nateng ken posible a dumanon iti P80,000 ti binuwan a sweldo dagitoy.
Impanamnama met ti nasao nga opisial a posible nga adda dagiti sumaruno pay a batch ti Seasonal Worker Program (SWP).//mp4
