BAGUIO CITY – Dumanon iti 11,000 nga indibidual ti manamnama a makipaset iti Licensure Examination for Teachers (LET) inton Oktobre 2 ti agdama tawen.
Iti panakiuman iti Bombo Radyo, kinuna ni Juanita Domogen, Regional Director ti Professional Regulatory Commision (PRC) – Cordillera, maipatungpal daytoy kadagiti dua pulo ket lima nga examination centers iti Baguio City.
Impettengna a masurot latta ti health safety protocols nu sadino nasken nga agsuot ti facemask ken obserbaran ti maysa a metro a social distancing
Saan met a kasapulan a bakunado kontra COVID-19 dagiti examinees ngem nasken a mangipakitada ti quarantine certificate ken RT-PCR test sakbayda a makastrek kadagiti testing centers.
Kabayatanna, impasigurado met ni Domogen a dagiti naimprenta a test questionaires ket bantayan dagiti otoridad tapno saan a makaruar iti confidential printing room
Ti nasao nga test questionnaires ket maimprenta mangrugi inton sabado Setyembre 24, aldaw ti Sabado
