Pimmusay dagiti 11 nga indibidual kalpasan a dinungpar ti 10-wheeler truck ti UV Express van a nagluganan dagitoy sadiay Camalig, Albay.
Maibasar iti CCTV footage, napartak ti panagpataray ti truck a nangitunda iti pannakaidungparna iti van iti kurba a paset ti kalsada.
Gapu iti impact daytoy, dua a lugan ti natnag iti karayan bayat a naidungpar ti truck iti van a naglaon iti 14 a pasaheros.
Narigatan met dagiti rescuers a mang-ala kadagiti biktima nangruna ket pinandagan ti nasao a truck ti van a nagluganan dagitoy a nangitunda iti panakakupitna.
Naiturong metten ti truck driver ken dagiti tallo pay a pasaheros manipud iti van iti ospital para iti panakataming.
Maibasar iti inisyal nga imbestigasyon, paturong ti truck sadiay Guinobatan Town idi nakapasar iti mechanical issue.
