Indeklara ti Commission on Elections (COMELEC) dagiti 117 senatorial aspirants kas nuisance candidates para iti 2025 national ken local elections.
Karaman kadagiti naideklara iti daytoy ket da Francis Leo Antonio Marcos ken Daniel Ronquillo Magtira.
Nupay kasta, kinuna ni Comelec chairman George Erwin Garcia a dagiti listaan dagitoy ket adda paylaeng iti division level ti commission no sadino siasinoman kadagiti adda iti listaan ket mabalin a mangipila iti motion for reconsideration (MR).
Sigun kenkuana, addaan paylaeng dagitoy iti lima nga aldaw manipud naawatda ti resolution ti Comelec Division tapno mangipila iti motion for reconsideration (MR) dagitoy.
Kabayatanna, inlawlawag ni Comelec spokesperson Atty. John Rex Laudiangco nga iti kanito a saan a mangipayulog ti korte suprema iti Temporary Restraining Order (TRO) kalpasan ti apela dagiti nagpetision ket maaramid a dagus nga executory ti desision ti commission.
