Manamnama a makapasar ti sangapulo ket dua a lugar iti pagilian ti napeggad a libel ti heat index intun bigat, April 19 iti agdama a tawen.
Sigun iti heat index forecast ti Philippine Atmospheric, Geophysical, and Astronomical Services Administration (PAGASA) ita nga aldaw, makapasar ti Dagupan City, Pangasinan; Sangley Point, Cavite; Puerto Princesa City, Palawan; Roxas City, Capiz; Iloilo City ken Dumangas, Iloilo ti 43 a heat index level, bayat a makapasar ti Bacnotan, La Union; Tuguegarao City, Cagayan; Pili, Camarines Sur; Dipolog, Zamboanga del Norte ti 42 a level ti heat index ken ti Ambulong, Tanauan Batangas; Aborlan, Palawan a 44 heat index level inton bigat.
Bayat a manamnama ti kababaan a level ti heat index inton bigat iti Baguio City ken La Trinidad, pakairamanan dagiti dadduma pay a dua pullo ket wallo a lugar iti Benguet.
Maipalagip a ti danger level ti heat index ket a mangitunda ti peggad iti salun-at pakairamanan ti heat cramps, heat exhaustion ken heat stroke kadagiti indibidual a nakaparang iti agtultuloy nga init.
Kabayatanna, inrekomendar ti nasao nga ahensia ti limitado nga aktibidad iti ruar, agtultuloy a hydration ken panagisuot iti presko a kawes tapno malabanan ti peggad nga epekto ti kinabara ti panawen.
