12-anyos nga ubing, pimmusay kalpasan a nalmes iti Chico River sadiay Bontoc, Mt. Province

BAGUIO CITy – Pimmusay ti maysa nga ubing kalpasan a maatap a nalmes iti Chico River, partikular sadiay Eyeb, Poblacion, Bontoc, Mt. Province idi Sabado.

Nabigbig daytoy a ni Dexter Safawil Afali, 12-anyos, estudyante ken residente ti Fatayan, Bontoc Ili, Bontoc, Mt. Province.

Maibasar iti report, nakaawat ti Bontoc PNP iti tawag seknan iti maatap nga insidente ti panakalmes iti Chico River.

Dagus dagitoy a nagresponde ken naispal ti ubing.

Nupay kasta, naideklara a pimmusay ti ubing apaman a naisangpet daytoy iti pagagasan.

Naamuan a pimmusay ti ubing gapu iti panakalmes.

Sigun kadagiti rescuers, adda dagitoy iti ayan ti flood control idi nakitada ti bagi a tumtumpaw iti karayan.