Nasuspinder iti innem a bulan dagiti 12 nga opisiales ti gobierno a karaman iti naanomalyaan a P289 million flood control project sadiay Naujan, Oriental Mindoro.
Sigun kenni Assistant Ombudsman Mico Clavano, impaulog ni Ombudsman Jesus Crispin Remulla ti preventive suspension kadagiti opisiales ti Department of Public Works and Highways (DPWH).
Karaman kadagiti nasuspinder ni Gerald Pacanan, DPWH regional director; Gene Ryan Altea, DPWH assistant regional director; Ruben D.S. Santos, DPWH assistant regional director; Montrexis Tamayo, DPWH OIC-chief, Planning and Design Division; Dominic Serrano, DPWH construction division chief and Bids and Awards Committee (BAC) chairperson; Dennis Abagon, DPWH OIC-chief, Quality Assurance and Hydrology Division, BAC regular member ; Juliet Calvo, DPWH Maintenance Division Chief ; Lerma Cayco, DPWH accountant IV; Felisardo Casuno, DPWH project engineer III; Grace Lopez, BAC member; Frierich Karl Camero, Legal Division Chief ken Timojen Sacar, materials engineer.
