BAGUIO CITY – Dumanon itan iti 128 a barangay ti siudad ti Baguio ti naan-anayen a nadalusan manipud iti iligal a droga.
Iti panakiyuman ti Bombo Radyo Baguio, dinakamat ni PLtCol. Judy Jasmin Palicos, dadaulo ti City Community Affairs Development Unit ti BCPO a kaudian a nainayon iti listaan dagitoy kadagiti drug cleared barangays ti Happy Homes, Outlook Drive ken Kayang Hilltop.
Malaksid iti daytoy, adda pay dagiti barangay a maipoproseso para iti naan-anay a panakadalos dagitoy kontra iti iligal a droga.
Sigun kenkuana, napintas ti nasao a datus gaputta naobserbaran ti ingangato ti drug cleared barangays ita a tawen manipud iti 110 a nairekordda idi 2020.
Kinunana a senyales daytoy iti epektibo a kampanya ti pulisya kontra iti iligal a droga.//RMBLS
