Impakaammo ni Philippine Ambassador to Cambodia Camille Mayo a natalged ti kasasaad dagiti 13 a masikog a Pilipina a naibalod idiay Cambodia iti kaso dagitoy nga attempted cross-border human trafficking.
Immuna a nasentensyaan dagitoy iti uppat a tawen a panakaibalod ngem naibabawi wenno nasuspindir ti dua a tawen manipod iti daytoy.
Dagiti nasao a Pilipina ket bigbigbigen iti korte iti Cambodia nga iligal a surrogate mothers nu sadino, patienda a ti intensyon dagitoy ket maaddaan iti anak a mabalinda nga ilako iti sabali nga indibidwal, maysa a wagas iti human trafficking.
Sigun kadagiti convicted Filipinas, narekrut laeng dagitoy online ken saanda a nakasango dagiti biological parents dagiti isiksikogda.
Impanamnama met dagiti kameng iti embahada a tutukanda ti nasao a kaso.
