BAGUIO CITY – Mabalballaagan iti publiko maipapan iti panaglangoy ken panangbantay kadagiti ubbing nu aglangoy dagitoy.
Kasaruno daytoy ti napasamak a drowning accident idiay Hydro 1, Camp 5, Camp 4, Tuba, Benguet idi Mayo 2.
Ti pimmusay ket 13-anyos a lalaki, Grade 2 student iti Camp 6 Elementary School ken residente ti Magsaysay, Loakan, Baguio city.
Maibasar iti imbestigasyon, naglangoy ti biktima kadua-na dagiti gagayyemna a padana a menor de edad idi Mayo dos ti malem.
Maipagarup a na-stuck wenno adda nakaipitanna iti paset ti karayan nga addaan kauneg a 6 feet nga isu met ti nakaitundaan ti pannakalmesna.
Dagus met a nagturong ti kameng ti Tuba MPS iti lugar a nakapasamakan ti insidente apaman a naipadamag ti nasao a pasamak kadakuada idi laeng kalman, Mayo 3.
Narekober ti bagi ti lalaki ken naidekla a dead on the spot daytoy.
Kabayatanna, saanen a naipasidong iti SOCO intervention ti bagi ti ubing gapu ta mamati dagiti pamilya daytoy a pimmusay gapu iti natural cause.//Bombo Jez Lapizar
