BAGUIO CITY – Dumanon iti 13 a barangay officials ditoy siudad ti Baguio ti nailista ti Drug Enforcement Unit ti Baguio City Police nga adda pakainaiganna iti iligal a droga.
Sigun kenni PCI Nichomedes Olarte, dadaulo ti nasao nga unit ti pulisya, malaksid iti dua a kagawad a nairaman iti listaan nga imparang ti Philippine Drug Enforcement Agency (PDEA) ket adda pay dagiti barangay officials a surenderrers a nailista dagitoy.
Kinunana nga 11 a barangay officials ti simmuko iti Baguio City Police Office ken dua met ti nakemmeg babaen iti buy-bust operation nga insayangkat ti DEU.
Dinakamatna a maipaspasidong metten ti dadduma iti rehabilitasyon bayat a dagiti dua a barangay officials iti listaan ti PDEA ket nagpaipasidong iti drug test.
Innayon ni PCI Olarte nga agtultuloy latta ti panangbantayda kadagiti nasao a personalidad ken kadagiti dadduma pay nga agar-aramat wenno agilaklako ti iligal a droga ditoy lokalidad.
