--Ads--
Impakaammo ti Department of Social Welfare and Development (DSWD) a dumanon iti agarup 134,000 a tattao ti naapektaran iti Tropical Depression Wilma ken shear line.
Buklen daytoy ti 44, 378 a pamilia kadagiti 340 a barangay iti pito a rehion iti pagilian kas iti Bicol Region, Western Visayas, Negros Island, Central Visayas, Eastern Visayas, Northern Mindanao, ken Caraga Region.
Sigun iti DSWD, 14, 930 nga indibidual wenno 4,633 a pamilia ti agtaltalinaed paylaeng kadagiti 64 nga evacuation centers bayat a 300 a pamilia ti adda kadagiti gagayyem ken kabagianda.
Kabayatanna, nagiwaras ti DSWD iti P1.7 million a gatad ti tulong kadagiti naapektaran a lugar.
