--Ads--
Naispal dagiti Nigerian army dagiti estudyante ken staff a nadukot dagiti gunmen idi kalman.
Daytoy ket sakbay ti deadline ti ransom payment.
Sigun iti panakangiwat ti military, 137 ti bilang dagiti hostage a naispal a buklen ti 76 a babbai ken 61 a lallaki.
Nu pay kasta, immuna a kinuna ti Governor ti Kaduna nga agarup 200 ti bilang dagiti indibidual a nahostage.
Gapu iti dayta, mapatta-patta a mabalin a kamali ti naisubmitir a report wenno sitatalinaed a hostage dagitoy.
Manamnama met nga iklaripikar ni Jibrin Aminu, panakangiwat ti Kuriga parents no amin a pamilya ket adda dagiti annak dagitoy.
Maipalagip a dagiti estudyante ken staff ket nadukot idi Marso a syete ti agdama a tawen sadiay Kuriga.
