Nagpalagip ti Department of Labor and Employment (DOLE) kadagiti amin a pampribado a kompanya iti obligasyon dagitoy a 13th month pay kadagiti empleyadoda.
Sigun kenni Labor Secretary Bienvenido Laguesma, obligasyon dagiti kompanya nga ipaay ti 13th month pay kas nakabasar iti linteg kasta met a kiniddawna pay nu mabalin a nasapsapa nga ipaayda daytoy tapno dagus a makabudget dagiti empleyado iti panggepda a pangigatangan iti daytoy.
Innayon ni Laguesma a babaen iti nasapa a panakaipaay ti 13th month pay ket mangbenepisyo daytoy kadagiti mangmangged a makagatang kadagiti produkto iti nababbaba a presyo nangruna ket posible a ngumato dagiti presyo dagiti gagatangen.
Iti sabali a bangir, nangiruar ti Department of Labor and Employment (DOLE) iti umno a panaka-compute ti 13th month pay dagiti mangmangged.
