--Ads--
BAGUIO CITY – Marikriknan ti lamiis ti Paskua nangruna ditoy Baguio City ken probinsia ti Benguet gapu iti panagbaba ti temperatura.
Sigun iti Pag-asa Baguio, kalamiisan a temperatura a nailista itay parbangon ket 14.1oC, nababbaba daytoy no iti 14.5oC a kababaan a temperatura a nailista idi November 28.
Daytoyen ti kalamiisan a temperatura a nailista ditoy siudad ti Baguio ita a bulan ti Disiembre.
Maipalagip nga iti probinsia ti Benguet ket nababbaba pay ti temperatura no iti mailista a temperatura iti Baguio City.
Sigun iti Pag-asa, manamnama nga agtultuloy ti panagbaba ti temperatura iti lokalidad bayat nga umas-asideg ti Paskua ken Baro a Tawen.
