Agsagsaganan ti 14-anyos nga ikalinga Muaythai fighter a ni Salko Osmundo Gonnay Velic para iti International Federation of Muaythai Associations (IFMA) World Youth Muaythai Championships inton September 11 agingga September 20 iti agdama a tawen idiay Thailand.
Gapu iti daytoy, naituding ti flightna inton bigat paturong idiay Thailand para iti naan-anay a panagsanayna.
Maipalagip a ni Salko ket maysa daytoy kadagiti gadget dependent sakbay a nagbalin kas atleta.
Tawen 2021 nagbalin nga scholar daytoy ken ditoy met a natraining iti combative sports agingga a nakisalip iti local ken national podiums agingga a nadanuna ti naituding nga international nga ay-ayam daytoy.
Kabayatanna, nabigbig pay daytoy kas kaunaan nga ikalinga kas combat sport athlete a nakipaset iti national team.
