--Ads--
KATHMANDU, NEPAL – Dumanon iti sangagasut uppat a pulo ket walo nga indibidual ti pimmusay gapu iti panaglayus ken panagreggaay nga intunda ti monsoon rain sadiay Nepal.
Karaman kadagiti pimmusay dagiti tallo pulo ket innem a nagaburan gapu iti panagreggaay ti daga bayat nga adda dagitoy iti unneg ti lugan.
Manarimaan met ti panangsapol dagiti maseknan nga otoridad kadagiti lima pulo ket siam nga indibidual a mapukpukaw.
Iti agdama, nakasublin iti pagtaenganda dagiti residente ti Nepal, kalpasan ti pananglayus ken panagbayakabak ti tudo.
Maibasar iti datos, ti napasamak ket highest rainfall a nairekord idiay Kathmandu, Nepal sipud idi 1970.
