BAGUIO CITY – Naipaay ti Medalya ng Kagalingan wenno PNP Medal of Merit ken Medalya ng Papuri wenno PNP Commendation Medal kadagiti 15 a personnel ti Kalinga Police Provincial Office gapu iti naisangsangayan a performance dagitoy iti panangisayangkatda iti misyon ken mandato-da.
Indauluan ni Kalinga Deputy Provincial Director for Administration PLtCol. Gilbert Fati-ig ti seremonya para iti nasao a pammadayaw.
Naipaay ti Medalya ng Kagalingan kadagiti uppat a pulis ti Kalinga gapu iti balligi a panangiserbida iti warrant of arrest ti maikanem a top most wanted person iti regional level ti Kalinga iti maikapat a kwarter ti 2019.
Naipaay met ti Medalya ng Papuri kadagiti sangapulo ket maysa a pulis ti Kalinga gapu iti balligi a panangisayangkatda iti marijuana eradication operations sadiay Bugnay ken Tulgao, Tinglayan a nagresulta iti panakadadael ti P19.3-M a gatad dagiti marijuana.
Sigun kenni PLtCol. Fati-ig, dagiti nasao a pammadayaw a maaw-awat dagiti pulis ket mangipakpakita iti panangbigbig ti institusyon ti pulisyta iti exemplary performance dagitoy a maiparbeng a mabigbig ken tuladen dagiti dadduma pay a pulis.
